Languages

Panggép hen Ifarangao

Hen Natonin wat ihay munisipyu hen Mountain Province way nanbanda hen cha fùnagan hen init. Éméy ménat ah 90 kilometers hen ka-achawwéyna ad Funtok way kapetar hen Mountain Province. Hen probinsya way wachah nan-apet ah North hen Natonin wat hen probinsyan hen Kalinga, yag ah South wat probinsyan hen Ifugao, yag ah cha fùnagan hen init wat munispyun hen Paracelis yag ah cha malihnugan hen init wat munisipyun hen Barlig. Hen Natonin wat cha awagan hen tapen tatagu ah safaliy fabréy way Farangao ono Balangao. Hen alen hen iFarangao wat Finarangao ngém ekat chillu hen kachuaran way Farangao ono Balangao.

Hen cha marpowan hen cha iyatagun hen kachuaran way Ifarangao wat hen mamayawancha ya hen mangumaancha ya mammur-ancha ah heno way mafalin iyatagu. Pagéy hen kangrunaan way cha iyamman hen iFarangao. Mamegwacha man-apet ah payaw ya mamenghan agé ah uma hen unig hen ihay tawén. Hen tapen chacha imura wat fa-aw, an cha hamchà, mani, lòto ya anat anchichay prutas. Ammag hen érégna yanggay way iyatagun hen hempamilya hen chacha iyamma te naligat hen korsa wat maid ekamancha way i mangenlao ah luwar no wachay apeténcha.